Қ. Құлажанов атындағы Қазақ технология және бизнес университетінің профессоры Сүлеймен Ерлан Мэлсұлы және Мамытбекова Гүлнұр Құрбанәлиевна, PhD, Үндістанның Варанаси қаласындағы Банарас индуистік университетінде өткен “Current Trends in Natural Product Research (CTNPR-2025)” халықаралық ғылыми конференциясына қатысты.
Конференция аясында ҚазҰТБ өкілдері ауызша баяндамалар жасап, сондай-ақ ғылыми секциялардың тең төрағалары ретінде шақырылды. Бұл университеттің халықаралық деңгейдегі ғылыми беделінің жоғары екендігін көрсетеді.
🔹 Сүлеймен Е. М. Қазақстан флорасының фитохимиялық зерттеулеріне арналған баяндамасын ұсынып, табиғи қосылыстарды зерттеудің заманауи тәсілдері мен олардың биологиялық белсенділігіне тоқталды.
Сүлеймен Е. М.-нің Қазақстан флорасының фитохимиялық зерттеулеріне арналған баяндамасы
Сүлеймен Е. М.-ге конференцияға қатысушы сертификатын табыстау
🔹 Мамытбекова Г. К., PhD, Ақмола облысы қыналарынан антибиотиктік белсенді заттарды бөліп алу және зерттеу тақырыбында баяндама жасап, халықаралық ғылыми қауымдастықтың үлкен қызығушылығын тудырды.
Мамытбекова Г. К., PhD-ның Қазақстан флорасы қыналарынан алынған алғашқы антибиотикке арналған баяндамасы
Сонымен қатар, Сүлеймен Ерлан Мэлсұлы постерлік сессияға сарапшы (экзаменатор) ретінде қатысып, әртүрлі елдерден келген жас зерттеушілер мен докторанттардың ғылыми жұмыстарын бағалады.
Конференцияның постерлік баяндамалары
Конференция қорытындысы бойынша ҚазҰТБ өкілдері келесі марапаттарға ие болды:
- конференцияға қатысқаны үшін дипломдар;
- ғылыми секциялардың тең төрағалары ретінде атқарған жұмысы үшін дипломдар.
Сүлеймен Е. М.-ге естелік сый-инсталляцияны табыстау
Мамытбекова Г. К., PhD-ға естелік сый-инсталляцияны табыстау
Конференция барысында ғылыми және мәдени іс-шаралар ұйымдастырылып, түрлі елдерден келген әріптестермен бейресми кездесулер өтті, сондай-ақ Варанаси қаласы бойынша мәдени-танымдық экскурсия, оның ішінде қасиетті Ганг өзенімен қайықта серуендеу өткізілді.
Конференцияның мәдени-ойын-сауық бағдарламасы
Қасиетті Ганг өзенімен қайықта серуендеу
Әріптестермен бейресми қарым-қатынас
CTNPR-2025 конференциясына қатысу ҚазҰТБ-ның халықаралық ғылыми байланыстарын нығайтып, фитохимия, табиғи қосылыстар және биологиялық белсенді заттар салаларында одан әрі ынтымақтастық орнатуға жаңа мүмкіндіктер ашты.
Органикалық синтез, металлорганикалық қосылыстар және катализ зертханасына бару
Сондай-ақ, ынтымақтастық аясында ҚазҰТБ мамандары бөліп алған табиғи заттар спектралдық сипаттамаларын анықтау үшін берілді.
ҚазҰТБ қызметкерлеріне ғылыми зерттеулерінде толағай табыстар тілейміз!
Анықтама
Сүлеймен Ерлан Мэлсұлы — Қ. Құлажанов атындағы Қазақ технология және бизнес университетінің профессор-зерттеушісі, химия ғылымдарының кандидаты, фитохимия, табиғи қосылыстар химиясы және биологиялық белсенді заттар саласының жетекші маманы.
Ол Ақмола облысы қыналарынан антибиотиктік белсенді заттарды зерттеу, бөліп алу және анықтауға арналған мемлекеттік ғылыми бағдарламалар аясында жүзеге асырылатын гранттық ғылыми жобаның жетекшісі болып табылады.
Сонымен қатар, ветеринарлық және биомедициналық препараттарға арналған табиғи қосылыстарды әзірлеуге бағытталған фитохимиялық зерттеулерді қамтитын Бағдарламалық-нысаналы қаржыландыру (БНҚ) жобаларына қатысып, бірқатар зерттеулерге жетекшілік етеді.
Сүлеймен Ерлан Мэлсұлының Хирш индексі (h-index) ≈ 20, ол 400-ге жуық ғылыми жарияланымдар, патенттер мен монографиялардың авторы, Еуропа, Америка және Азияның ғылыми орталықтары мен университеттерімен белсенді ынтымақтастық орнатады. Көптеген халықаралық ғылыми тағылымдамалардан өткен, халықаралық зерттеу жобалары мен ғылыми консорциумдарға қатысқан.
Ол:
- Мацумаэ халықаралық қорының (Жапония) лауреаты;
- «Жоғары оқу орнының үздік оқытушысы» атағының иегері;
- ғалымдарды қолдауға арналған мемлекеттік және ғылыми бағдарламалардың стипендиаты;
- халықаралық конференциялардың белсенді қатысушысы және сарапшысы;
- магистранттар мен докторанттардың (PhD) ғылыми жетекшісі.
Сүлеймен Ерлан Мэлсұлы қазақстандық ғылымды халықаралық деңгейде тұрақты түрде таныстырып келеді, соның ішінде шақырылған баяндамашы, секция тең төрағасы және ғылыми іс-шаралардың сарапшысы ретінде.