Мансап орталығы

Мансап орталығы — университеттің құрылымдық бөлімшесі. Ол келесі негізгі мәселелерге жетекшілік етеді:

• білім алушылардың кәсіби практикаларының барлық түрлері;
• түлектерді жұмысқа орналастыруға бағытталған іс-шараларды ұйымдастыру және өткізу: бос жұмыс орындары жәрмеңкесі, компанияларды (жұмыс берушілерді) таныстыру, семинарлар, мастер-кластар, конференциялар;
• түлектерді жұмысқа орналастыру бойынша жыл сайынғы мониторинг жүргізу;
• жұмыс берушілермен ұзақ мерзімді әріптестік байланыстар орнату;
• жұмыс берушілер (кәсіпорындар, мекемелер) және олардың бос жұмыс орындары бойынша деректер базасын қалыптастыру, сондай-ақ бос орындарға үміткерлердің электрондық деректер базасын құру;
• білім алушыларға жетекшілік ететін мәселелер бойынша ақпараттық және консультациялық қолдау көрсету және т.б.

Кәсіби практика және жұмысқа орналастыру мәселелері бойынша ынтымақтастық туралы 158 серіктес-жұмыс берушімен келісімшарттар мен меморандумдар жасалған. Олардың қатарында: ҚазМұнайГаз, Қазақтелеком, «Цесна-Астық» концерні, Қазақстанның Халал Индустриясы қауымдастығы, Астана қаласының Төтенше жағдайлар департаменті, Петропавл электротехникалық зауыты, Қазақстандық өнеркәсіпті дамыту институты, ҚР Президенті Іс басқармасының Мемлекеттік резиденциялар дирекциясы, Қазақстан Республикасы Туроператорлары қауымдастығы, Rixos President Hotel, KazWestTrans, Techlab Digital Solutions, «Рухани жаңғыру» қоғамдық қоры, Capital Projects Ltd, Astana Development Group, БанкЦентрКредит, Астана қаласы «Нұра» ауданы әкімінің аппараты, Целиноград ауданы әкімінің аппараты, Целинная фабрика, Экологиялық және өнеркәсіптік биотехнологияның ғылыми-өндірістік орталығы, KazEcoExpert, Kazakh Invest, «Азаматтарға арналған үкімет» мемлекеттік корпорациясы, «Көмек-Астана», «Энергия үнемдейтін технологиялар» ғылыми-өндірістік бірлестігі, Көмір химиясы және технологиялары институты, «KazakhAltyn Технологии», «Туристік Қамқор» корпоративтік қоры, «Саят-Travel», «Тау-Кен Самұрық», Степногорск подшипник зауыты, ҚР Еңбек және халықты әлеуметтік қорғау министрлігінің Еңбекті қорғау жөніндегі республикалық ғылыми-зерттеу институты, «ҚТЖ» АҚ филиалы – Теміржол көлігі персоналын дамыту орталығы, ҚР Президенті Іс басқармасы Медициналық орталығының ауруханасы, Материалдық-техникалық қамтамасыз ету басқармасының Әкімшілік ғимараттар дирекциясы, STEM Academia, ҚР Мәдениет және ақпарат министрлігінің «Роза Бағланова атындағы Қазақконцерт» мемлекеттік академиялық концерттік ұйымы және басқа да компаниялар.

Университетте білім алушылар үшін дәстүрлі түрде «Бос жұмыс орындары жәрмеңкесі» іс-шарасы өткізіледі. Бұл іс-шараның негізгі мақсаты — түлектерді жұмысқа орналастыруға жәрдемдесу.

Кезекті «Бос жұмыс орындары жәрмеңкесі» 2025 жылғы 25 сәуірде өтті. Іс-шараға 32 ұйымнан 40-тан астам өкіл шақырылды. Олардың қатарында мемлекеттік мекемелер, ірі ұлттық және жеке компаниялар, қаржы ұйымдары, өнеркәсіп кәсіпорындары, бизнес-құрылымдар, сондай-ақ күштік құрылымдардың өкілдері болды.

Құттықтау сөз сөйледі:

• Байсеитов Ғани Нұралиевич — «Қазақстан инжиниринг» орталығының «Research & Development» ЖШС бас директоры;
• Жаманғарина Аида Мұратовна — Астана қаласы әкімдігінің Еңбек ұтқырлығы орталығы бөлімінің басшысы;
• Сафуани Төлеген Есенқұлұлы — «KEGOC» АҚ HR, құқықтық сүйемелдеу және тәуекелдер жөніндегі басқарушы директоры.

Түлек-студенттер келген ұйымдардың HR-менеджерлерімен сұхбаттасу арқылы жұмысқа орналасуға қажетті ақпарат алып, өздерін таныстыруға мүмкіндік алды.

Университетте Түлектер қауымдастығы құрылды. Оның құрамына әр жылдардағы түлектер — әртүрлі министрліктерде, мемлекеттік күштік құрылымдарда, әкімдіктерде, ірі компанияларда және қаржы институттарында еңбек ететін мамандар енді.

2025 жылғы 03 қазанда Түлектер қауымдастығының алғашқы отырысы өтті. Нарықтық экономиканың өзекті мәселелері талқыланып, университеттің ұстанымын одан әрі нығайтуға бағытталған маңызды ұсыныстар әзірленді.

Түлектер қауымдастығының басты мақсаты — корпоративтік рухты, өзара көмек пен ынтымақтастықты қалыптастыру, университетіміздің имиджін қолдау және арттыру, түлектерді ілгерілету, мәдени дәстүрлерді дамыту.

Отырыс барысында:

• төраға болып Кравчук Светлана Валерьевна сайланды — «Комек Астана» ЖШС құқықтық мәселелер жөніндегі орынбасар басшысы;
• құрам бекітілді;
• жұмыс жоспары бекітілді.

Сондай-ақ білім алушыларға арналған Қауымдастық мүшелерінің қонақ дәрістерінің кестесі жасалды. Мысалы, мына тақырыптар бойынша:

• табысты мансапқа апарар негізгі қадамдар;
• бизнесті ашу және дамыту бойынша практикалық кеңестер;
• құқықтық сауаттылық;
• тәртіптілік — мемлекеттік қызметтегі табыстың кепілі;
• заманауи IT-технологиялар: практикалық тәжірибе.

Аталған қонақ дәрістер оқу жылының әр кезеңінде өткізілді, нәтижесінде білім алушылар практикалық тәжірибе жинақтап, білім мен қосымша құзыреттерге ие болды. Түлектер қауымдастығын құру алдағы уақытта да нәтижелі жұмыстың жалғасуына ықпал етеді.

Өңірлердегі бос жұмыс орындары туралы ақпарат университет түлектері үшін факультеттер бойынша құрылған ортақ топтық чаттарда жарияланады.