Қосымша білім беру бағдарламаларының каталогы (Minor)

«Еңбек қауіпсіздігі және қоршаған орта жағдайын бағалау» бағдарламасы (Minor) барлық білім беру бағдарламаларының білім алушыларына арналған. Ол білім беру бағдарламасы негізінде білім алушылардың жеке білім беру траекторияларын таңдауына сүйенетін білім беру процесін ұйымдастыру тұжырымдамасынан тұрады.

Өзектілігі: Қазіргі әлемде еңбек қауіпсіздігі мен қоршаған орта жағдайын бағалау өндірістік саланың қарқынды дамуымен және қызметтің жаңа түрлерінің пайда болуымен байланысты зор маңызға ие. Еңбек қызметі барысында қызметкерлердің өмірі мен денсаулығының қауіпсіздігін қамтамасыз ету еңбек санитариясы мен гигиенасын сақтау арқылы жүзеге асырылады, зиянды факторлардың қызметкерлер ағзасына әсерін төмендету жөніндегі іс-шаралар жүргізіледі. Табиғатты сақтау және қоршаған орта сапасын жақсарту да мемлекет пен қоғам қызметінің басым бағыттары болып табылады. Қоршаған табиғи ортаны қорғау оның жекелеген компоненттерінің және тұтастай биосфераның жай-күйі туралы уақтылы ақпарат болған жағдайда ғана тиімді бола алады.

Негіздемесі: Бағдарлама жұмыс орнындағы оңтайлы еңбек жағдайларын, сенімділік пен тәуекелді талдау әдістерін зерделеуді, адам қызметінің қоршаған ортаға әсер ету ауқымын дұрыс бағалау және салдарын болжау қабілетін қалыптастыруды көздейді. «Еңбек қауіпсіздігі және қоршаған орта жағдайын бағалау» Minor бағдарламасы экономика, басқару, өнеркәсіптің барлық түрлері мен қызмет көрсету саласының тоғысында бірегей білім, білік және дағдыларды дамытады, оның ішінде: еңбек заңнамасының қағидаттары, еңбек қатынастарын реттеу саласындағы барлық органдардың құзыреті, техногендік тәуекелдің заманауи аспектілері, экологиялық ойлауды қалыптастыру, табиғи ресурстарды ұтымды пайдалану.

Мақсаты: Білім алушыларға болашақ кәсіби қызметі үшін заманауи әдістер мен құралдарды қолдану бойынша білім, дағды және тәжірибе беру, технологиялық жабдықтың сенімділік теориясы мен өндіріс тәуекелдерін бағалауды, еңбекті қорғау және қоршаған ортаны қорғаудың жалпы мәселелері бойынша теориялық және практикалық білім беру.

Міндеттері:

• білім алушыларда өндірістік ортаның қауіпті және зиянды факторлары туралы түсінік қалыптастыру;
• өндірістік санитария мен еңбек гигиенасы саласындағы ҚР заңнамалық және нормативтік базасына қатысты білім алу;
• еңбек қызметі аймақтарындағы тіршілік ортасының жағдайын бағалау әдістерін қолдану;
• адам мен тіршілік ортасын теріс әсерлерден қорғау шараларын әзірлеу;
• кәсіби қызметке қатысты техникалық және экологиялық құжаттаманы жүргізу дағдысын қалыптастыру.

Қалыптасатын құзыреттер:

• ақпаратты іздеуді, сыни талдау мен синтездеуді жүзеге асыруға, қойылған міндеттерді шешу үшін жүйелік тәсілді қолдануға қабілетті;
• қоршаған ортаның ластану шығу тегін, түрлерін, көздерін біледі;
• зиянды өндірістік факторлардың адам ағзасына әсерін біледі;
• зиянды факторлардың әсерін нормативтік мәндерге дейін немесе адамдарға әсерін толық жоюға дейін төмендету әдістері мен құралдарын анықтайды;
• зиянды факторлардың әсерінен ұжымдық және жеке қорғану құралдарын қолданады;
• техносфералық қауіпсіздікті қамтамасыз етудің негізгі әдістері мен жүйелерін бағдарлайды, адам мен табиғи ортаны қауіптерден қорғаудың белгілі құрылғыларын, жүйелерін және әдістерін негізді түрде таңдайды;
• қауіпсіздік мәдениеті мен тәуекелге бағдарланған ойлауға ие, онда қауіпсіздік пен қоршаған ортаны сақтау мәселелері өмір мен қызметтегі маңызды басымдықтар ретінде қарастырылады;
• техногендік және табиғи қауіптердің шығу тегі мен жиынтық әсерін біледі;
• қауіптердің әсерін барынша азайту дағдыларына және олардан қорғану негіздеріне ие;
• техногендік тәуекелді бағалау үшін өлшеу және есептеу техникасын, ақпараттық технологияларды пайдалануға қабілетті;
• технологиялық жабдық элементтерін жұмысқа жарамдылық пен сенімділік критерийлері бойынша есептеу әдістерін пайдалануға қабілетті.

Еңбек сыйымдылығы: 15 кредит

«Заманауи биотехнология негіздері» Minor бағдарламасы «6В05213 – Экология» және 6В11230 – Тіршілік қауіпсіздігі және қоршаған ортаны қорғау білім беру бағдарламаларына арналған. Бағдарлама экологиялық және биоқауіпсіздік міндеттерін шешудің заманауи биотехнологиялық тәсілінің негізгі аспектілерін ашуға бағытталған. Ол молекулалық және жасушалық биологияның іргелі қағидаттарын, гендік инженерия, биоинформатика, микробиологиялық және биохимиялық процестердің әдістерін, сондай-ақ қоршаған ортаны қорғауда, қалдықтарды басқаруда, биоремедиацияда және тұрақты дамуда қолданылатын заманауи биотехнологиялық технологияларды қамтиды.

Өзектілігі: Биотехнология саласындағы заманауи жетістіктер медицинаға, ауыл шаруашылығына, қоршаған ортаны қорғауға және өнеркәсіпке елеулі әсер етеді. Гендік инженерияның, жасушалық технологиялардың, биокатализ бен биоинформатиканың дамуы жаһандық мәселелерді — қоршаған ортаның ластануы, қалдықтарды кәдеге жарату, су мен ауаны тазарту, тұрақты биоматериалдарды әзірлеу — шешу үшін тиімді әрі экологиялық қауіпсіз шешімдер жасауға мүмкіндік береді. Экологиялық сын-қатерлер мен климаттың өзгеруі жағдайында биотехнология тұрақты дамудың негізгі құралына айналуда. Бұл пәннің негіздерін зерделеу экология және тіршілік қауіпсіздігі саласындағы болашақ мамандар үшін аса маңызды, өйткені ол оларды кәсіби тәжірибеге инновациялық тәсілдерді енгізу үшін қажетті білім мен дағдылармен қамтамасыз етеді.

Негіздемесі: Бағдарлама студенттерде заманауи биотехнологиялық процестер, биологиялық жүйелер, гендік және жасушалық инженерия әдістері туралы, сондай-ақ оларды қоршаған ортаны қорғау мен табиғатты ұтымды пайдаланудың өзекті міндеттерін шешу үшін қолдану мүмкіндіктері туралы іргелі білім қалыптастырады. Практикалық дағдыларға ерекше назар аударылады: ластануды мониторингтеу мен болдырмау, биоремедиация, биоыдырайтын материалдарды әзірлеу, жаңартылатын энергия көздерін пайдалану.

Курсты меңгеру пәнаралық жобаларға қатысуға және экологиялық әрі биологиялық қауіпсіздікке байланысты салаларға биотехнологиялық шешімдерді енгізуге мүмкіндік береді.

Мақсаты: Білім алушыларға қоршаған ортаны қорғау, табиғатты ұтымды пайдалану, экологиялық қауіпсіздік, қалдықтарды кәдеге жарату, экожүйелерді қалпына келтіру және адам денсаулығына теріс әсерді азайту саласындағы міндеттерді шешу үшін заманауи биотехнологиялық әдістер мен тәсілдерді қолдану бойынша білім, практикалық дағды және тәжірибе беру.

Міндеттері:

• гендік инженерияны, микробиологияны, биоинженерияны және ферментациялық процестерді қоса алғанда, заманауи биотехнологияның қағидаттары мен әдістерін экология мен табиғатты ұтымды пайдалануда қолдануға баса назар аудара отырып зерделеу;
• бұзылған экожүйелерді қалпына келтіру, ағынды суларды биологиялық тазарту, қалдықтарды кәдеге жарату және қоршаған орта мен адам денсаулығына теріс әсерді азайту үшін биотехнологиялық тәсілдер мен құралдарды пайдалануды үйрету;
• заманауи жабдық пен технологияларды пайдалана отырып, оқу және өндірістік жағдайларда практикалық тапсырмаларды орындау дағдыларын меңгеру;
• биотехнологиялық зерттеулердің нәтижелерін өңдеу және түсіндіру біліктерін дамыту.

Қалыптасатын құзыреттер:

• заманауи биотехнологияның негізгі ұғымдарын, әдістерін және бағыттарын түсіну;
• кәсіби қызмет үшін қажетті молекулалық биология, генетика, микробиология және биохимия негіздерін білу;
• зертханалық зерттеулер мен эксперименттік жұмыстардың заманауи әдістерін меңгеру;
• биотехнологиялық әдістерді экологияда, медицинада, ауыл шаруашылығында, тамақ және қайта өңдеу өнеркәсібінде қолдану дағдылары;
• ғылыми-зерттеу және инновациялық жобаларды жоспарлай және жүзеге асыра білу;
• зерттеу нәтижелерін талдау және биотехнологиялық шешімдерді енгізу перспективаларын бағалау қабілеті.

Еңбек сыйымдылығы: 15 кредит

«6В02100 Дизайн және визуалды коммуникациялар» Minor қосымша білім беру бағдарламасы студенттерде визуалды және заттық ортаны жобалау саласындағы пәнаралық білім мен практикалық дағдыларды қалыптастыруға, сондай-ақ креативті ойлау мен дизайнерлік мәдениетті дамытуға бағытталған.

Өзектілігі: Көркемдік-жобалық ойлаудың заманауи әдістерін, визуализацияның цифрлық технологияларын және инновациялық дизайн-шешімдерді жасау дағдыларын меңгерген мамандарға қоғам мен еңбек нарығының өсіп келе жатқан қажеттілігімен айқындалады.

Негіздемесі: Бағдарлама басқа бағыттардың білім алушыларына дизайн саласында қосымша біліктілік алуға, композиция, колористика негіздерін, костюм, графикалық және интерьерлік дизайнды жобалауды меңгеруге мүмкіндік береді, бұл түлектің кәсіби құзыреттілігі мен бәсекеге қабілеттілігін кеңейтуге ықпал етеді.

Мақсаты: Білім алушыларда дизайн саласында креативті ойлауды, жобалық және көркемдік дағдыларды қалыптастыру, сондай-ақ кәсіби және пәнаралық міндеттерді шешу үшін дизайнерлік әдістер мен технологияларды қолдану қабілетін дамыту.

Міндеттері:

• композиция, түстану және көркемдік графика негіздерін меңгеру;
• дизайнерлік шешімдерді визуализациялау үшін цифрлық құралдармен және бағдарламалармен жұмыс істеу дағдыларын қалыптастыру;
• графикалық және заттық дизайн саласындағы шығармашылық және жобалық құзыреттерді дамыту;
• студенттерді дизайнерлік тәсілдерді болашақ кәсіби қызметке кіріктіруге дайындау.

Қалыптасатын құзыреттер:

• композиция, түстану, академиялық сурет және жобалық ойлау негіздерін меңгерген;
• дизайн-жобаларды әзірлеу үшін графикалық және цифрлық құралдарды қолдануға қабілетті;
• эстетикалық, функционалдық және технологиялық талаптарды ескере отырып дизайн-нысандарды жасай білуді көрсетеді;
• көркем бейнелерді талдай, стилистикалық шешімдерді таңдай және оларды визуалды формада жүзеге асыра алады.

Еңбек сыйымдылығы: 15 кредит

«Тамақтану индустриясы» бағдарламасы (Minor) «6В11126 – Мейрамхана ісі және қонақ үй бизнесі» білім беру бағдарламасының студенттеріне арналған. Бағдарлама заманауи тамақ өндірісінің, тамақтану индустриясындағы басқарудың және саланың тұрақты дамуының негізгі аспектілерін ашуға бағытталған. Бағдарлама аясында студенттер тамақ өнеркәсібіндегі технологиялық процестер мен инновациялар, тамақтану кәсіпорындарын жобалау мен ұйымдастыру негіздері, өнім сапасын басқару, сондай-ақ саланың экологиялық және экономикалық тұрақтылығы саласында құзыреттер қалыптастырады.

Өзектілігі: Тамақтану индустриясы саласындағы заманауи жетістіктер ұйымдар мен кәсіпорындарға тамақ технологиялары саласында жаңа үрдістер береді. «Тамақтану индустриясы» — дұрыс тамақтану, тамақ өнімдерінің сапасы мен қауіпсіздігін бақылау, сондай-ақ олардың ассортиментін жаңартып әзірлеу туралы ғылым бағыты. «Тамақтану индустриясы» қосымша білім беру бағдарламасы осы білім беру бағдарламасы аясындағы элективті курс болып табылады.

Негіздемесі: Білім алушы Minor бағдарламасын меңгеру арқылы тамақ өндірісі саласындағы практикалық және кәсіби дағдыларға, одан әрі табысты кәсіби қызметке қабілетін дамытады.

Бағдарлама, оның ішінде, дұрыс әрі теңгерімді тамақтану рационын алу мақсатында халықтың жоғары сапалы және бәсекеге қабілетті өнімге, оның кең ассортиментіне сұранысы мен қажеттіліктерін зерделеуді көздейді.

Мақсаты: Тамақ өнімдерін өндіруде заманауи тамақ технологияларын қолдану бойынша білім, дағды және тәжірибеге ие білікті мамандар даярлау, отандық тамақ салаларының тиімділігі мен бәсекеге қабілеттілігін арттыруға мүмкіндік беретін, заманауи экономика мен нарық талаптарына сай келетін жаңа ғылыми жаңалықтарды енгізу.

Міндеттері:

• білім алушыларға азық-түлік өнімдерін өндірудің технологиялық процестері туралы білім беру;
• неғұрлым өнімді әрі үнемді өндірістік процестерді пайдалану біліктерін қалыптастыру;
• білім алушылар жұмыс процестерін тікелей меңгеретін өндірістік жағдайларда практикалық тапсырмаларды орындау дағдыларын меңгеру.

Қалыптасатын құзыреттер:

• тамақ өнеркәсібіндегі технологиялық процестерді түсіну;
• тамақ өнімдерінің сапасы мен қауіпсіздігін басқару дағдылары;
• тамақтану кәсіпорындарын жобалау және ұйымдастыру саласындағы құзыреттер;
• тамақ индустриясындағы экономикалық және экологиялық тұрақтылық;
• тамақтану және тамақ технологиялары саласындағы аналитикалық және зерттеушілік дағдылар.

Еңбек сыйымдылығы: 15 кредит

«Жасанды интеллектті қолданудың заманауи аспектілері» бағдарламасы (Minor) барлық білім беру бағдарламаларының студенттеріне арналған.

Ол білім беру бағдарламасы негізінде студенттердің жеке білім беру траекторияларын таңдауына сүйенетін білім беру процесін ұйымдастыру тұжырымдамасынан тұрады. Білім беру бағдарламасында «Жасанды интеллектті қолданудың заманауи аспектілері» Minor бағдарламасы жүзеге асырылады. Ол цифрландыру мен жоғары технологиялар жағдайында жұмыс істеу үшін қажетті құзыреттердің кең спектрін қалыптастыруға ықпал етеді. Бұл дағдылар мамандардың кәсіби құндылығын арттырып қана қоймай, түрлі салаларда инновациялық тәсілдерді дамытуға да септігін тигізеді.

Өзектілігі: «Жасанды интеллектті қолданудың заманауи аспектілері» қосымша білім беру бағдарламасы өзекті әрі сұранысқа ие, өйткені олар көптеген техникалық және ғылыми жетістіктердің негізіне айналып, адамдардың өмірі мен технологиялармен өзара әрекеттесу тәсілдерін өзгертуде. Жасанды интеллект пен нейрондық желілер түрлі салаларда жаңа көкжиектер ашады, көптеген процестерді автоматтандыруға мүмкіндік береді, бұл өндірістік желілерге де, деректерді өңдеу немесе бизнес-процестерді басқару сияқты неғұрлым күрделі міндеттерге де қатысты. Жасанды интеллектті пайдаланудың этикалық және әлеуметтік аспектілеріне байланысты мәселелер де өзекті болып табылады. «Жасанды интеллектті қолданудың заманауи аспектілері» қосымша білім беру бағдарламасы осы білім беру бағдарламасы аясындағы элективті курс болып табылады.

Негіздемесі: Білім алушы Minor бағдарламасын меңгеру арқылы осы саладағы практикалық және кәсіби дағдыларға, одан әрі табысты кәсіби қызметке қабілетін дамытады. Нысандарды жіктеуге, баламаларды ретке келтіруге, берілген критерийлер бойынша ең жақсы баламаны іздеуге, өзгеретін процестердегі үрдістерді анықтауға байланысты күрделі логикалық және формалданған міндеттерді шешу қабілеті.

Мақсаты: Жасанды интеллект саласында деректерді зияткерлік өңдеу мен талдаудың заманауи технологиялары мен әдістерін меңгерген, жоғары білімді мамандардың сапасына қойылатын заманауи талаптарға сай білім мен практикалық дағдыларға ие білікті мамандар даярлау.

Міндеттері:

• жасанды интеллектті (ЖИ) жобаларды басқаруға енгізу;
• өз шешімдерінің (әрекеттерінің) нәтижелерін талдау және оларды жүзеге асыру алгоритмдерін түзету.

Қалыптасатын құзыреттер:

• аппараттық-бағдарламалық құралдар негізінде жасанды интеллектті пайдалана отырып практикалық міндеттерді шешу үшін алынған білім мен дағдыларды қолдануға дайындығын көрсетеді;
• қолданбалы міндеттерді шешу үшін жасанды нейрондық желілер негізінде аппараттық-бағдарламалық шешімдер әзірлеуге қабілетті;
• зерделенген әдістер мен құралдарды, сондай-ақ жасанды интеллект жүйелерінде қолданылатын шешімдерді іздеу әдістерін пайдалана білуді көрсетеді;
• өзінің проблемалық саласындағы міндеттерді шешудің жаңа әдістерін қолданады, салыстырмалы талдау жүргізеді және өз міндетін шешу үшін жасанды интеллект тілін таңдауды негіздейді.

Еңбек сыйымдылығы: 15 кредит

«Экономикалық талдау және басқару» бағдарламасы (Minor) экономика, ұйымдар қызметін талдау және тәуекелдерді басқару саласындағы қолданбалы білімді меңгеруге мүдделі барлық білім беру бағдарламаларының білім алушыларына арналған.

Өзектілігі: Бағдарлама экономиканың қарқынды өзгеруі, цифрландыру және мамандардың кәсіби икемділігіне қойылатын талаптардың артуы жағдайында өзекті болып табылады. Экономикалық талдау және басқару саласындағы білім түлектерге негізгі кәсіби саласына қарамастан негізделген шешімдер қабылдауға, бизнес-процестерді түсінуге және жобалық қызметке тиімді қатысуға мүмкіндік береді. Бағдарлама академиялық негіз бен қолданбалы тәсілді ұштастыра отырып, басқарушылық, кәсіпкерлік және аналитикалық ойлауды дамытуға негіз қалайды.

Мақсаты: Білім алушыларда бизнес-процестерді бағалау, экономикалық тиімділікті ескере отырып негізделген шешімдер қабылдау, сондай-ақ цифрлық және нарықтық экономика жағдайында тәуекелдерді түсіну үшін қажетті базалық экономикалық және басқарушылық білімді қалыптастыру.

Міндеттері:

• білім алушыларды кәсіпорын экономикасының негіздерімен және оның ішкі бизнес-процестерімен таныстыру;
• қызметтің тиімділігін бағалау үшін экономикалық талдау әдістерін қолдануға үйрету;
• экономикалық ортадағы тәуекелдер және оларды басқару тәсілдері туралы түсінік қалыптастыру;
• экономикалық ақпаратты түсіндіру және басқарушылық шешімдер әзірлеу дағдыларын дамыту;
• жобалар мен ресурстарды бағалау және басқаруда жүйелі ойлауды дамытуға ықпал ету.

Қалыптасатын құзыреттер:

• базалық экономикалық және басқарушылық категорияларды меңгеру;
• ұйымдардың қызметін сандық және сапалық көрсеткіштер негізінде талдай білу;
• бизнес пен жобалардағы тәуекелдерді бағалау және барынша азайту дағдылары;
• шешім қабылдау үшін экономикалық деректерді пайдалана білу;
• кросс-функционалдық ойлауды және экономиканың білімнің басқа салаларымен өзара байланысын түсінуді дамыту.

Еңбек сыйымдылығы: 15 кредит

Халықтың қаржылық сауатты мінез-құлқы азаматтардың әл-ауқатының тиісті деңгейін қамтамасыз етудің, қаржы нарығының қызмет ету тұрақтылығы мен тиімділігін арттырудың, тұрақты экономикалық өсуге жәрдемдесуге бағытталған оның сапалы трансформациясының негізі әрі қажетті шарты болып табылады.

Өзектілігі: Бағдарлама азаматтарға жеке қаржыға қатысты жауапты шешімдер қабылдауға, қаржы институттары, қаржы нарығында ұсынылатын өнімдер мен қызметтер туралы хабардар болуға, өз қаржылық жағдайын жақсарту мақсатында ұтымды әрекеттер жасауға және түрлі салықтарды есептей білуге мүмкіндік беретін білім, білік және дағдыларды қалыптастырады.

Мақсаты: Кәсіби қызметті табысты жүргізуге қабілетті, қаржы-кредит жүйесі туралы түсінігі бар және экономиканы жаһандандыру мен цифрландыру жағдайында экономиканың нақты секторын меңгеретін бәсекеге қабілетті кадрларды даярлау.

Міндеттері:

• қаржы негіздерін зерделеу, табыс, шығыс, активтер, пассивтер, инвестициялар және т.б. сияқты негізгі ұғымдарды түсіну;
• жеке қаржыны басқару;
• биржалар, банктер, инвестициялық қорлар және сақтандыру компаниялары сияқты қаржы нарықтары мен институттарының қызмет етуін зерделеу;
• бағалы қағаздар нарығының қызмет ету негізгі ұғымдары мен қағидаттарын, оның ішінде құрылымын, қатысушылардың рөлін және сауда механизмдерін зерделеу.

Қалыптасатын құзыреттер:

• жеке қаржыны тиімді басқара білу, қаржылық жоспарлау мен бюджеттеу негіздерін түсіну;
• қаржылық ақпаратты талдау, негізделген қаржылық шешімдер қабылдау және қаржылық тәуекелдерді бағалау қабілеті;
• қарыздар, депозиттер, кредиттік карталар, ипотека, инвестициялық өнімдер және т.б. қоса алғанда, түрлі банктік өнімдер мен қызметтерді білу;
• бағалы қағаздар нарығының қызмет ету негіздерін білу, нарықтық трендтерді талдай білу және инвестициялау стратегияларын әзірлей білу.

Еңбек сыйымдылығы: 15 кредит

«Бухгалтердің цифрлық практикасы: есептен аудитке дейін» бағдарламасы барлық білім беру бағдарламаларының студенттеріне арналған. «Есеп пен аудит негіздері» қосымша курс болып табылады. Бухгалтерлік есептің теориялық негізіне сәйкес студент ұйымның қаржы-шаруашылық қызметінің нәтижелері туралы ақпаратты жинау, өңдеу және сақтау туралы жүйелі білім алады, аудиттің теориялық және практикалық аспектілерін меңгереді, ұйымдардың ішкі бақылау жүйелерін бағалаудың кәсіби негізін игереді, ұйымдарда бухгалтерлік есепті жүргізуде «1С: Кәсіпорын» бағдарламасын қолдану дағдыларын алады.

Мақсаты: Білім алушыларда бухгалтерлік есеп пен аудиторлық қызмет саласындағы теориялық білім мен практикалық дағдыларды қалыптастыру.

Міндеттері:

• студенттерді бухгалтерлік есеп пен аудитті жүргізу бойынша теориялық және практикалық даярлықпен қамтамасыз ету;
• студенттерді кейіннен талдау мақсатында есептік және есептілік деректерін қосарланған жазба әдісі мен қаржы-шаруашылық қызметінің бухгалтерлік есеп шоттар жоспары негізінде өз бетінше оқуға, бухгалтерлік проводкалар жасауға үйрету;
• жасалған шаруашылық операциялар нәтижесінде баланс жағдайын талдау;
• студенттерді бухгалтерлік есеп бойынша теориялық біліммен және экономикалық ғылым ретіндегі бухгалтерлік есептің негізгі әдістемелік мәселелерімен қаруландыру;
• «1С: Бухгалтерия 8.3» бағдарламасында қарастырылған бухгалтерлік есепті жүргізу мүмкіндіктерін, бастапқы құжаттар мен бухгалтерлік операцияларды енгізуден бастап аналитикалық есептер алуға және бухгалтерлік есептілікті дайындауға дейін зерделеу;
• «1С: Кәсіпорын 8.3» бағдарламалар жүйесімен жұмыс істеу дағдыларын тез меңгеру.

Қалыптасатын құзыреттер:

• кәсіпорында бухгалтерлік есепті жүргізуді реттейтін нормативтік-құқықтық базада бағдарлай алады;
• кәсіпорында бухгалтерлік есепті ұйымдастыру және жүргізу саласында теориялық білім мен практикалық дағдылар алады;
• аудиторлық тексерулерді ұйымдастыру және жүргізу саласында теориялық білім мен практикалық дағдылар алады;
• бухгалтерлік есепті жүргізу бойынша компьютерлік бағдарламаны қолдана біледі;
• «1С: Бухгалтерия 8.3» бағдарламасын және «1С: Кәсіпорын 8.3» жүйесінде компьютерленген бухгалтерлік есепті жүргізуді меңгереді.

Еңбек сыйымдылығы: 15 кредит

«Ақпараттық жүйелер және бизнес-аналитика» бағдарламасы (Minor) барлық білім беру бағдарламаларының студенттеріне арналған. Ол білім беру бағдарламасы негізінде студенттердің жеке білім беру траекторияларын таңдауға негізделген оқу процесін ұйымдастыру тұжырымдамасына негізделген. Цифрландыру және жоғары технологиялар жағдайында жұмыс істеу үшін қажетті құзыреттердің кең спектрін қалыптастыруға ықпал етеді. Бұл дағдылар мамандардың кәсіби құндылығын арттырып қана қоймай, түрлі салаларда инновациялық тәсілдерді дамытуға да ықпал етеді.

Өзектілігі: Заманауи еңбек нарығының өзекті қажеттіліктеріне жауап береді, пәнаралық құзыреттерді қалыптастыруға ықпал етеді және цифрлық экономика жағдайында түлектерге бәсекелік артықшылықтар береді. Ол студенттерде жүйелі ойлауды, деректермен жұмыс істеу дағдыларын және бизнес-процестердің логикасын түсінуді қалыптастырады, бұл оларды технологиялар мен басқаруға байланысты кез келген саладағы құнды мамандарға айналдырады.

Негіздемесі: Білім алушы Minor бағдарламасын меңгеру арқылы кәсіпорында сауатты басқарушылық шешімдер қабылдау үшін бизнес-аналитиканың негізгі технологияларын, қолданбалы бағдарламалық өнімдерді пайдалану қабілетін дамытады.

Мақсаты: Студенттерде басқарушылық шешімдер қабылдауды қолдау және деректер негізінде бизнес-процестерді талдау үшін ақпараттық жүйелерді әзірлеу, енгізу және пайдалану саласындағы пәнаралық білім мен практикалық дағдыларды қалыптастыру.

Міндеттері:

• студенттерге басқаруда, экономикада және бизнесте қолданылатын ақпараттық жүйелер туралы базалық және қолданбалы білім беру;
• заманауи құралдарды (Excel, SQL, Power BI, Python және т.б.) пайдалана отырып, деректерді жинау, өңдеу, талдау және түсіндіру дағдыларын қалыптастыру;
• басқарушылық шешімдерді қолдау, бизнес-процестердің тиімділігін бағалау және болжау үшін бизнес-аналитика әдістерін қолдануға үйрету.

Қалыптасатын құзыреттер:

• талаптарды талдауды, процестерді модельдеуді және техникалық мамандармен өзара әрекеттесуді қоса алғанда, АТ-шешімдерді жобалау және енгізу саласындағы құзыреттерді дамытады;
• жүйелі ойлауды және технологиялық шешімдер мен ұйымның стратегиялық мақсаттары арасындағы өзара байланысты түсіну қабілетін қалыптастырады.

Еңбек сыйымдылығы: 15 кредит

«Бизнес пен жобалық менеджменттегі ақпараттық технологиялар» бағдарламасы (Minor) барлық білім беру бағдарламаларының студенттеріне арналған. Ол білім беру бағдарламасы негізінде студенттердің жеке білім беру траекторияларын таңдауға негізделген оқу процесін ұйымдастыру тұжырымдамасына негізделген. Білім беру бағдарламасында «Бизнес пен жобалық менеджменттегі ақпараттық технологиялар» Minor бағдарламасы іске асырылады. Цифрландыру және жоғары технологиялар жағдайында жұмыс істеу үшін қажетті құзыреттердің кең спектрін қалыптастыруға ықпал етеді. Бұл дағдылар мамандардың кәсіби құндылығын арттырып қана қоймай, түрлі салаларда инновациялық тәсілдерді дамытуға да ықпал етеді.

Өзектілігі: Экономиканың цифрлық трансформациясының заманауи тенденцияларына және ұйымдарды басқаруда ақпараттық жүйелердің рөлінің артуына жауап береді. Цифрлық технологиялардың қарқынды дамуы, жаһандану және бизнес-процестерді автоматтандыру жағдайында бизнес-талдау, цифрлық маркетинг құралдарын және жобалық менеджменттің халықаралық стандарттарын меңгерген мамандарға қажеттілік артады. Бағдарлама білім алушыларда бизнес- және жобалық шешімдерді талдау, жоспарлау, іске асыру және тиімділігін бағалау үшін ақпараттық технологияларды қолдану саласындағы құзыреттерді қалыптастыруға бағытталған. Осы минорды іске асыру цифрлық жобаларды басқаруға, бизнес-процестерді оңтайландыруға және цифрлық ортада ұйымдардың тұрақты дамуын қамтамасыз етуге қабілетті бәсекеге қабілетті мамандарды даярлауға ықпал етеді.

Негіздемесі: Білім алушы Minor бағдарламасын меңгеру арқылы кәсіпорында сауатты басқарушылық шешімдер қабылдау үшін бизнес-аналитиканың негізгі технологияларын, қолданбалы бағдарламалық өнімдерді пайдалану қабілетін дамытады. Жаһандық компьютерлік желілерде және кәсіпорынның ақпараттық жүйелерінде ақпаратпен жұмыс істеуді үйренеді.

Мақсаты: Білім алушыларда халықаралық стандарттарға сәйкес бизнес-талдау, цифрлық маркетинг және жобаларды басқару міндеттерін шешу үшін заманауи ақпараттық-коммуникациялық технологияларды қолдану саласындағы тұтас білім мен практикалық дағдыларды қалыптастыру.

Міндеттері:

• білім алушыларда бизнес-процестер мен жобаларды басқарудағы ақпараттық-коммуникациялық технологиялардың рөлін жүйелі түсінуді қалыптастыру;
• бизнес-талдау және цифрлық маркетинг міндеттерін шешу үшін цифрлық құралдар мен аналитикалық әдістерді қолдануға үйрету;
• жобалық менеджменттің халықаралық стандарттары мен әдіснамаларымен (PMI, PRINCE2, Agile және т.б.) және оларды практикалық қолданумен таныстыру;
• заманауи ақпараттық жүйелерді пайдалана отырып, цифрлық жобаларды жоспарлау, іске асыру және мониторингтеу саласындағы құзыреттерді дамыту.

Қалыптасатын құзыреттер:

• талаптарды талдауды, бизнес-процестерді модельдеуді және техникалық мамандармен тиімді өзара әрекеттесуді қоса алғанда, АТ-шешімдерді жобалау және енгізу саласындағы құзыреттерді дамытады;
• жүйелі ойлауды және технологиялық шешімдер, ұйымның стратегиялық мақсаттары мен экономикалық көрсеткіштер арасындағы өзара байланысты көру қабілетін қалыптастырады;
• негізделген басқарушылық шешімдер қабылдау үшін бизнес-талдау және цифрлық маркетинг құралдарын қолдану дағдыларын дамытады;
• жобалық менеджменттің халықаралық стандарттарына (PMI, PRINCE2, Agile және т.б.) сәйкес жобаларды жоспарлау, ұйымдастыру және іске асыру қабілетін қалыптастырады;
• деректерді талдау, нәтижелерді визуализациялау және жобаларды басқару үшін заманауи цифрлық платформалар мен бағдарламалық құралдарды пайдалану білігін дамытады.

Еңбек сыйымдылығы: 15 кредит