«Ақпараттық технологиялар» кафедрасы

Кафедраның мақсаттары: Қазіргі IT-нарығының қажеттіліктеріне жауап беретін жоғары білікті мамандарды даярлау, сондай-ақ кәсіптік білім беру стандарттарының және «Цифрлық Қазақстан» мемлекеттік стратегиясының талаптарына сәйкес ұлттық білім беру кеңістігін дамытуға елеулі үлес қосу.

Кафедра мақсаттары:

1. Ақпараттық технологиялар саласында жоғары білікті мамандар даярлау.

2. Білім беру бағдарламаларының заманауи IT-нарығының талаптарына сәйкестігін қамтамасыз ету.

3. Цифрлық технологиялар саласындағы ұлттық білім беру кеңістігін дамыту.

4. Кәсіптік білім беру стандарттарына және «Цифрлық Қазақстан» мемлекеттік стратегиясына сәйкес білім беру қызметін жүзеге асыру.

· Кафедра миссиясы: Кәсіби міндеттерді тиімді шешуге және елдің цифрлық және инновациялық дамуына ықпал етуге қабілетті, заманауи IT-технологиялар саласындағы жоғары білікті және бәсекеге қабілетті мамандарды даярлау.

o Миссияның қысқаша ұраны: «Еліміздің цифрлық болашағын жасайтын IT-профессионалдарды даярлаймыз».

o Миссияны сипаттайтын 4 негізгі тармақ:

5. Жоғары білікті IT-мамандар даярлау.

6. Тәжірибеге бағытталған кәсіби құзыреттерді қалыптастыру.

7. Білім, ғылым және цифрлық технологиялардың интеграциясы.

8. Елдің инновациялық және цифрлық дамуына жәрдемдесу.

o Миссия мен міндеттер туралы толық мәтін:

«Ақпараттық технологиялар» кафедрасының миссиясы - кәсіби міндеттерді тиімді шешуге және елдің цифрлық және инновациялық дамуына ықпал етуге қабілетті, заманауи IT-технологиялар саласындағы жоғары білікті және бәсекеге қабілетті мамандарды даярлау.

 Кафедраның білім беру қызметі әлемдік ғылыми тәжірибе мен заманауи инновациялық оқыту технологиялары негізінде құрылады. Оқу процесін дайындауда оқу процесін ұйымдастырудың белсенді формалары мен әдістері қолданылады, жаңашыл тәсілдер мен студенттердің ғылыми-зерттеу жұмыстарына қатысуы ынталандырылады. Кафедра Қазақстан Республикасының жетекші университеттерімен, шетелдік ғылыми-білім беру орталықтарымен, сондай-ақ мемлекеттік және жекеменшік ұйымдармен серіктестік байланыстарды дамытады.

«Ақпараттық технологиялар» кафедрасы «Инжиниринг және ақпараттық технологиялар» факультетінің құрылымдық бөлімшесі болып табылады және цифрлық технологиялардың қарқынды дамып келе жатқан әлемінде тиімді жұмыс істей алатын, жоғары білімді, іргелі дайындығы бар, бәсекеге қабілетті мамандарды даярлауды жүзеге асырады.

«Ақпараттық технологиялар» кафедрасы 2010 жылғы тамызда құрылған. Кафедраның білім беру қызметі Қазақстан Республикасы Білім және ғылым министрлігі 18.04.2017 ж. берген KZ29LAA00008799 мемлекеттік лицензиясы негізінде жоғары және жоғары оқу орнынан кейінгі білім беру саласында жүзеге асырылады және мерзімсіз қолданылады.

«Ақпараттық технологиялар» кафедрасы заманауи цифрлық шешімдерді әзірлеу, енгізу және сүйемелдеу саласында жоғары білікті мамандар даярлауды жүзеге асырады. Кафедра өз қызметінде іргелі дайындықты IT-индустриясының өзекті талаптарына жауап беретін тәжірибеге бағытталған оқытумен ұштастырады.

Бакалавриат:

o 6В06114 «Ақпараттық жүйелер»;

o 6В06115 «IT-менеджмент»;

o 6B06137 «Компьютерлік ғылымдар және интеллектуалды жүйелер».

Магистратура:

o 7М06136 «Ақпараттық жүйелер» (ғылыми-педагогикалық бағыт),

o 7М06138 «Ақпараттық жүйелер» (бейіндік бағыт),

o 7М06137 «IT-менеджмент» (ғылыми-педагогикалық бағыт),

o 7М06139 «IT-менеджмент» (бейіндік бағыт).

Ғылыми қызмет

«Ақпараттық технологиялар» кафедрасының ғылыми қызметі заманауи цифрлық технологиялар саласындағы қолданбалы және іргелі зерттеулерді дамытуға бағытталған. Негізгі мақсат - экономика мен қоғамды цифрландыруға ықпал ететін инновациялық шешімдерді жасау, сондай-ақ студенттер мен жас зерттеушілердің құзыреттіліктерін қалыптастыру.

Ғылыми зерттеулердің негізгі бағыттары:

1. Ақпараттық жүйелер және деректер қоры.

2. Киберқауіпсіздік және ақпаратты қорғау.

3. Заттар интернеті (IoT) және ендірілген жүйелер.

4. Жасанды интеллект және машиналық оқыту.

5. Желілік технологиялар және бұлтты есептеулер.

6. Бағдарламалық инженерия және БҚ әзірлеу.

7. Білім беру процестерін цифрландыру.

Кафедраның ғылыми жұмысының ерекшеліктері:

· Студенттер зерттеулерге белсене қатысады, прототиптерді әзірлейді және ғылыми конференцияларға қатысады.

· Кафедра шешімдерді модельдеудің, деректерді талдаудың, прототиптеудің және тестілеудің заманауи әдістерін қолданады.

· Ғылыми қызмет нәтижелері Scopus және Web of Science базаларында индекстелетін рецензияланатын журналдарда жарияланады, сондай-ақ оқулықтар, монографиялар және заманауи электрондық білім беру ресурстары шығарылады.

· Кафедра салалық сарапшылардың қатысуымен хакатондар, шеберлік сыныптары, тақырыптық семинарлар және басқа да іс-шаралардың ұйымдастырушысы болып табылады.