Әскери кафедра

Біздің мақсаттарымыз

Әскери кафедраның негізгі мақсаты – Қазақстан Республикасының Қарулы Күштері үшін жоғары кәсіби даярлығы бар, патриоттық рухы жоғары, әскери қызметке қажетті білім, білік және дағдыларды меңгерген запастағы офицерлер мен сержанттарды даярлау.

Біз студенттердің көшбасшылық қасиеттерін, жауапкершілігін, тәртібін және Отан қорғауға дайын азаматтық ұстанымын қалыптастыруға, сондай-ақ заманауи әскери технологиялар мен инновациялық білім беру әдістерін оқу үдерісіне енгізуге ұмтыламыз.

Қазіргі уақытта «Қ. Құлажанов атындағы Қазақ технология және бизнес университеті» АҚ әскери кафедрасында Астана қаласының сегіз жоғары оқу орнынан 700-ден астам студент әскери даярлықтан өтуде. Оқыту 12 әскери-есептік мамандық бойынша ұйымдастырылған, оның ішінде запастағы офицерлерді даярлау бағдарламасы бойынша – 9, запастағы сержанттарды даярлау бағдарламасы бойынша – 3 әскери-есептік мамандық бар.

Әскери кафедрада «Қ. Құлажанов атындағы Қазақ технология және бизнес университеті» АҚ, Esil University, «Тұран-Астана» университеті, Nazarbayev University, Maqsut Narikbayev University, А. Құсайынов атындағы Еуразиялық гуманитарлық институты, Дене шынықтыру және бұқаралық спорт академиясы, сондай-ақ Абай атындағы Қазақ ұлттық педагогикалық университетінің филиалы студенттері білім алуда.

Білім беру үдерісін әскери қызметте мол тәжірибе жинақтаған, жоғары кәсіби және академиялық білімі бар запастағы офицерлер қатарынан жасақталған жоғары білікті профессорлық-оқытушылық құрам жүзеге асырады. Олардың әскери-практикалық тәжірибесі мен заманауи оқыту әдістерін ұштастыруы студенттердің сапалы әскери даярлық алуына мүмкіндік береді.

«Қ. Құлажанов атындағы Қазақ технология және бизнес университеті» АҚ әскери кафедрасы студенттерді даярлауды Қазақстан Республикасы Қорғаныс министрлігінің талаптарына, заманауи білім беру технологияларына және әскери білім берудің үздік дәстүрлеріне негіздей отырып жүзеге асырады.

Біздің әдістеріміз

• іргелі теориялық даярлық пен практикалық оқытуды тиімді ұштастыру;

• университеттің заманауи оқу-материалдық базасында және әскери бөлімдерде оқу сабақтарын өткізу;

• интерактивті оқыту технологияларын, тренажерларды және цифрлық білім беру ресурстарын пайдалану;

• далалық сабақтар, оқу жиындары және тактикалық-саптық жаттығулар барысында практикалық дағдыларды дамыту;

• білім беру үдерісіне инновациялық жобалар мен заманауи ақпараттық технологияларды енгізу;

• әрбір студентке жеке көзқарас таныту және оның кәсіби құзыреттерін дамыту;

• көшбасшылық қасиеттерді, тәртіпті, жауапкершілікті және күрделі жағдайларда шешім қабылдау қабілетін қалыптастыру.

Қызметтің басым бағыттары

• Қазақстан Республикасы Қарулы Күштері үшін жоғары білікті запастағы офицерлер мен сержанттарды даярлау;

• мемлекеттік білім беру стандарттары мен Қазақстан Республикасы Қорғаныс министрлігінің талаптарына сәйкес әскери даярлықтың жоғары сапасын қамтамасыз ету;

• әскери-патриоттық тәрбие беру;

• студенттерді заманауи техникалық шешімдерді әзірлеуге тарта отырып, әскери-ғылыми және инновациялық қызметті дамыту;

• әскери бөлімдермен, мемлекеттік органдармен және қорғаныс-өнеркәсіптік кешен ұйымдарымен өзара іс-қимылды нығайту;

• оқу-материалдық базаны тұрақты жетілдіру және оқытудың заманауи әдістерін енгізу;

• кәсіби білімі жоғары, моральдық-іскерлік қасиеттері қалыптасқан және Қазақстан Республикасын қорғауға дайын, бәсекеге қабілетті мамандарды даярлау.