«Алтын Дала – 2026»: туризм, шығармашылық және спорт мерекесі
2026 жылдың 29 қыркүйегінде «Туризм және Сервис» кафедрасы Дүниежүзілік туризм күніне орай «Алтын Дала – 2026» іс-шарасын өткізді.
Оған «Туризм» және «Халықаралық туризм» білім беру бағдарламаларының бірінші курс студенттері қатысты. Іс-шара Астана қаласы әкімдігінің Балалар мен жасөспірімдер туризмі және өлкетану орталығының базасында өтті.
Жарыс үш номинация бойынша ұйымдастырылды: «Команданың визиткасы» — қатысушылардың шығармашылық таныстырылымы; «Туризм — біздің болашағымыз» — өнер көрсету (шығармашылық нөмір); «Бағытты бағындыр» — спорттық эстафета.
Қатысушылар өздерінің шығармашылық қабілеттерін, спорттық дайындықтарын, ауызбіршілігін және туризм саласына деген кәсіби қызығушылықтарын көрсетті.
Іс-шараның демеушісі Қ. Құлажанов атындағы Қазақ технология және бизнес университеті болды. Ұйымдастырушылық қолдауды Астана қаласы әкімдігінің Балалар мен жасөспірімдер туризмі және өлкетану орталығы көрсетті. «Туризм және Сервис» кафедрасы әріптестеріне ынтымақтастығы мен студенттік туризмді дамытуға қосқан үлесі үшін шынайы алғысын білдіреді.
