КазУТБ-та Қытайлық серіктестермен бірлескен білім беру орталығы ашылды
2026 жылғы 14 тамызда Қазақ технология және бизнес университетінде (ҚазУТБ) Қытайдың Цзянсу провинциясынан келген делегацияның ресми сапары өтті. Сапар аясында Jiangsu China–Central Asia Industry-Education Collaborative High-Skilled Talent Development Center бірлескен білім беру орталығының ашылу салтанаты ұйымдастырылды.
Бірлескен білім беру орталығы Nanjing University of Industry Technology (NJUIT) және Jiangsu SOHO Holdings Group ұйымдарымен ынтымақтастық аясында құрылды. Орталықтың негізгі мақсаты – тәжірибеге бағытталған білім беруді, академиялық ұтқырлықты дамыту және еңбек нарығының заманауи талаптарына сай жоғары білікті мамандар даярлау.
Орталықтың қызметі аясында бірлескен білім беру бағдарламаларын, академиялық алмасу бағдарламаларын, студенттердің практикалық даярлығын, тағылымдамаларын және Қытай кәсіпорындарымен өзара іс-қимылды дамыту көзделеді. Сондай-ақ студенттерге Қазақстан мен Қытайда білім алуға, кәсіби тәжірибеден өтуге және серіктес компанияларда жұмысқа орналасу мүмкіндіктерін қарастыруға мүмкіндік беретін 2+2 форматындағы бірлескен білім беру бағдарламаларын іске асыруға ерекше назар аударылады.
Кездесу барысында ҚазУТБ өкілдері мен Қытай делегациясы ынтымақтастықтың перспективалы бағыттарын, студенттер мен оқытушылардың академиялық алмасуын кеңейтуді, бірлескен білім беру бастамаларын іске асыруды, сондай-ақ университет, мемлекеттік құрылымдар және индустриялық серіктестер арасындағы өзара байланысты одан әрі дамыту мәселелерін талқылады.
Орталықтың ашылуы ҚазУТБ-ның Қытайдың білім беру және бизнес серіктестерімен халықаралық ынтымақтастығын нығайтудағы маңызды қадам болып, студенттер мен оқытушылардың кәсіби дамуына жаңа мүмкіндіктер ашуға бағытталған.