«Туризм және сервис» кафедрасы Тұңғыш Президент Музейі ұйымдастырған «Бағдар» волонтерлік бағдарламасына қатысты

2026 жылғы 15 қазанда Тұңғыш Президент Музейінде Қ. Құлажанов атындағы Қазақ технология және бизнес университеті «Туризм және сервис» кафедрасының профессор-оқытушылар құрамы мен студенттерінің қатысуымен «Бағдар» волонтерлік бағдарламасының тұсауы кесіліп, таныстырылымы өтті.
Іс-шара аясында кафедра оқытушылары мен студенттері практикалық бағдарламаға белсене қатысып, Музейдің қызметімен төрт бағыт бойынша танысты: Жеке мұрағат қызметі, Жеке кітапхана қызметі, Музейлік-көрме және Экскурсия қызметтері. Қатысушылар Музейдің нақты жұмыс процестеріне жақындатылған тапсырмаларды орындады.
Іс-шара қорытындысы бойынша «Бағдар» бағдарламасына оқу жылы бойы қатысуды жалғастыратын волонтер-студенттер тобы жасақталды. Бағдарлама музейлік волонтерлікті дамытуға, студенттердің практикалық тәжірибе алуына, кәсіби құзыреттерін қалыптастыруға және оларды Музейдің көрме, экскурсиялық және мәдени-ағартушылық жобаларына әрі қарай тартылуына бағытталған.
Бұл іс-шара Тұңғыш Президент Музейі мен Қ. Құлажанов атындағы ҚазАТБ арасындағы ынтымақтастықтың маңызды жалғасы, сондай-ақ «Туризм және сервис» кафедрасы студенттерін практикаға бағдарлап оқытуды дамытудағы маңызды қадам болды.